Bebaak Ishq

Chuppi wala ishq pasand karte hain log..

Ishaaron mein baatein ho'n
Alfaaz sharmaate ho'n
Jhuki si ho nazrein
Armaa.N ghabraate ho'n...

Hai khoobsoorat yeh ehsaas. Beshaq.
Par thoda puraana sa lagta hai.
Sab hi ka hai yeh andaaz..
Thoda falaana sa lagta hai.

Chalo kuch alag karte hain!
Zara bindaas farmaate hain
Zara chaunkte chaunkaate hain
Phir agar chaaha toh
Kal parso sharmaate hain

Chhupa chhupi wala ishq pasand karte hain log.
Chalo chai-pakoda-gappa karte hain.
Chalo ek doosre ka thappa karte hain!